Boekwinkel

Dertien minute op ’n Saterdagaand

Dertien minute op ’n Saterdagaand“Ek is gebore in die Republiek van Suid-Afrika. Ek verstaan twee van die tale wat gepraat word in die Republiek van Suid-Afrika. Mens kan pekanneut tert koop by die Spar in die Republiek van Suid-Afrika. Mens kan ook Afrikaanse koerante daar koop. Mens het wel ’n kar nodig as jy van Middelburg af Bronkhorstspruit toe wil gaan, of andersom. Mens het ook ’n kar nodig om ander redes. As ’n man 32 jaar oud is en hy’t nie ’n kar nie, sal dit nie ’n verskil maak dat hy sewe jaar in Noordoos-Asië gewoon het, of dat hy gebroke Chinees kan praat, of dat hy ’n twee-in-een boek geskryf het wat ’n anti-glans filter sonder hakies staande kan hou op net die regte hoogte teen ’n rekenaarskerm nie. Al wat saak sal maak, is dat hy nie ’n kar het nie – wat beteken hy’s nie veel beter as ’n boemelaar nie.” Lees meer …

__________

Koors/Fotografie – Twee versamelings gedigte

Koors/FotografieTwee versamelings gedigte uit verskeie penne, potlode, en die tikvingers van Brand Smit: gedig, deel een – nog naamloos – ruimtes – brommer – kaarthuis – transformasie – onvermydelik, miskien – dag vol beskawing – pandhuis – twee wat vry was – zombie – moed – soldaat – verwagtinge – dogmatiek – hoop – gees – kind – massa – persoonlike getsémané – vrou (i) – toekomsvisioen – vrees – nuwe mens (i) – as die drade deurmekaar raak – ons was al hier? – skeiding – niemand-land – nagwag – raat vir slegte slaap – stille nag – son – dagbreek – lig wat binnedring – koors – nuwe mens (ii) – ’n ander soort einde – terapie vir die agterman – waar op aarde? – laaste een vir jou – vrou (ii) – piekniek teen skemer – gedig, deel twee – vlugteling – tydreis … Lees meer …

__________

As ’n boek aan jou skedel klop

’n Versameling teks uit “Pad Na Niemand-land”, “Die Persoonlike Agenda van Brand Smit”, en “Slothoofstuk”

As ’n boek aan jou skedel klop“Die storie tot dusver: Ek is gebore, toe trek ons, toe gaan ek skool toe; toe trek ons weer, en weer, en nog ’n paar keer; toe gaan ek universiteit toe, toe gaan ek na ’n ander universiteit toe; toe gaan ek Korea toe, toe gaan ek terug Suid-Afrika toe, en toe kom ek Taiwan toe. Toe skryf ek nog ’n paar honderd bladsye in toevoeging tot ’n paar honderd bladsye wat ek in vorige jare geskryf het oor hoekom ek doen wat ek doen.

Toe staan ek op ’n verlate treinstasie en dink daar’s te veel materiaal om as ’n enkele boek uit te gee. Toe die volgende dag gaan betaal ek my telefoonrekening en op pad dink ek ’n titel uit vir ‘n korter boek met geselekteerde materiaal. Toe kom sit ek agter die rekenaar en skryf hierdie teks.” Lees meer …

__________

Sê dit beter – Volume 1

Sê dit beter – Volume 1“Vir maande lank het ek rondgeloop met ’n opgevoude vel A4-papier in my pennesakkie, en elke keer wat ek ’n Afrikaanse woord teëgekom het – in ’n tydskrif, ’n boek, maar meestal op die Internet – wat ek óf nie verstaan nie, óf wat ek bitter weinig hoor maar self graag meer wil gebruik, het ek die woord op my stuk papier geskryf. Met ’n lys woorde soos vervat in hierdie boekie gaan dit nie daaroor om slim te klink nie. Dit gaan daaroor om oor die vermoë te beskik om te kan sê wat jy wil sê. Dit gaan daaroor om met selfvertroue uitdrukking te kan gee aan wat jy glo, en voel, en hoop, en dink.” Lees meer …

____________________

Pin It on Pinterest

Share This